កាលពីល្ងាច ថ្ងៃសុក្រ ១២រោច ខែស្រាពណ៍ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៧ ខែកញ្ញា ឆ្នាំ២០១៨ ឯកឧត្តម ជាវ តាយ ប្រធានគណៈកម្មាធិការគណបក្សប្រជាជនកម្ពុជាខេត្តកំពត បានចុះពិនិត្យវឌ្ឍនភាព និងពន្លឿនការសាងសង់ផ្លូវបេតុង ស្ថិតនៅលើផ្លូវលានស្រូវ ក្នុងសង្កាត់ក្រាំងអំពិល ក្រុងកំពត ដែលជាគម្រោងរ៉ាំរ៉ៃជាច្រើនឆ្នាំ ត្រូវបាន ដោះស្រាយយ៉ាងរលូនពីសំណាក់ឯកឧត្តមប្រធាន។
ទោះបីជាគណបក្សប្រជាជនឈ្នះឆ្នោត១០០ភាគរយក្តី គណបក្សប្រជាជននៅតែបន្តដឹកនាំ និងអភិវឌ្ឍន៏ឥតឈប់ឈរក្រោមការចង្អុលបង្ហាញពីសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជានាយករដ្ឋមន្ត្រីនៃព្រះរាជាណាចក្រកម្ពុជា។
សូមបញ្ជាក់ផ្លូវបេតុងនេះនឹងសាងសង់ជាជំហ៊ានៗ ដោយលើក ទី១ប្រវែង២០០ម៉ែត្រទទឹង៩ម៉ែត្រ កម្រាស់២តឹក នឹងដាក់លូបង្ហូរទឹក ប្រវែង ២០០០ម៉ែត្រផងដែរ៕
អត្ថបទៈ ស្មាន់ វណ្ណនិមល
