ដោយប្រើប្រាស់ពេលវេលានៃថ្ងៃសម្រាកកិច្ចការងារក្នុងតួនាទីជាថ្នាក់ដឹកនាំ នៅព្រឹកថ្ងៃសៅរិ៍ ០៦កើត ខែបុស្ស ឆ្នាំរកា នព្វស័ក ពស២៥៦១ ត្រូវនឹងថ្ងៃទី២៣ ខែធ្នូ ឆ្នាំ២០១៧ ឯកឧត្តម ខូយ ឃុនហ៊ួរ អនុប្រធានក្រុមការងារថ្នាក់កណ្តាលចុះជួយខេត្តកំពត អមដំណើរដោយសមាជិក សមាជិកាគណៈកម្មាធិការគណបក្សប្រជាជនកម្ពុជាខេត្តកំពត ព្រមទាំងគណបក្សស្រុកដងទង់ បានចុះជួបសំណេះសំណាលជាមួយប្រជាពលរដ្ឋក្នុងភូមិព្រៃសំណាង ឃុំខ្ជាយខាងជើង ស្រុកដងទង់ ខេត្តកំពត។
បន្ទាប់ពីបានឈ្វេងយល់នូវសុខទុក្ខ និងកិច្ចការ ប្រមូលផលស្រូវវស្សាក្នុងមូលដ្ឋានរួចមក ឯកឧត្តមខូយ ឃុនហ៊ួរបានលើកទឹកចិត្ត និងបញ្ជ្រាបបន្ថែមដល់បងប្អូនប្រជាកសិករអំពីគោលនយោបាយរបស់គណបក្សប្រជាជនកម្ពុជាសម្រាប់ដឹកនាំប្រទេសបន្តទៅមុខទៀត៕
