កំពត៖ នៅរសៀលថ្ងៃទី១៩ ខែមេសា ឆ្នាំ ២០១៧ គណៈឃោសនាគណៈកម្មាធិការគណបក្សខេត្តកំពត បានប្រជុំផ្សព្វផ្សាយខ្លឹម សារសន្និបាតគណៈឃោសនាអប់រំគណៈ កម្មាធិការកណ្តាលគណបក្សប្រជាជនកម្ពុជា កាលពីថ្ងៃទី១០-១១ ខែមេសាឆ្នាំ២០១៧ និងលើកទិស ដៅសម្រាប់អនុវត្តន៍បន្តរបស់គណះឃោសនាអប់រំខេត្ត។ វគ្គផ្សព្វ ផ្សាយនេះស្ថិតក្រោមអធិបតីភាព លោក ស៊ឹម វុទ្ធា សមាជិកអចិន្ត្រៃយ៍គណបក្សប្រជាជនកម្ពុជា ខេត្តកំពត និងជាប្រធានគណៈឃោសនាអប់រំគណៈកម្មាធិការគណបក្សប្រជាជនកម្ពុជាខេត្ត ដែលមានសមាជិក-សមាជិកាចូលរួមចំនួន ៥២រូប មកពីគណបក្សស្រុក-ក្រុង និងគណបក្សមូលដ្ឋានមន្ទីរ អង្គភាពជុំវិញខេត្ត៕