នៅព្រឹកថ្ងៃទី១២ ខែមករា ឆ្នាំ២០១៧ គណបក្សប្រជាជនកម្ពុជាមូលដ្ឋានឃុំតេជោអភិវឌ្ឍន៍ ស្រុកឈូក ខេត្តកំពតបានបើកសន្និបាតបូកសរុបលទ្ធផលការងារ និងលើកទិសដៅសម្រាប់អនុវត្តន៍បន្ត។ ពិធីនេះក៏បានដំណើរការបោះឆ្នោតជ្រើសរើសបេក្ខភាពចំនួន ៧រូប លើបេក្ខជនពេញសិទ្ធិ និងបម្រុងទាំងអស់ចំនួន ១៦រូប ដើម្បីឈរឈ្មោះសម្រាប់ការបោះឆ្នោតក្រុមប្រឹក្សាឃុំអាណត្តិទី៤ ដែលនឹងប្រព្រឹត្តទៅនាថ្ងៃទី០៤ ខែមិថុនា ឆ្នាំ២០១៧។ អង្គសន្និបាតដឹកនាំដោយលោក ខៀវ រិទ្ធិភ័ណ្ឌ ប្រធានគណបក្ស ប្រជាជនកម្ពុជាស្រុកឈូក លោក សាន គ្រីយ៉ា ប្រធានគណៈកម្មាធិការបក្សឃុំ និងដោយមានការអញ្ជើញចូលរួមពីឯកឧត្តម ទិត្យ ម៉េងឡុង ប្រធានមណ្ឌលយោធិនពិការ៣១៧ និងលោក ង៉ែត សាវឿន ប្រធានក្រុមការងារខេត្តចុះជួយឃុំ ក្រោមវត្តមានរបស់សមាជិក សមាជិកាចំនួន ៤០៨នាក់ ក្នុងនោះអង្គបោះឆ្នោត ៤០៣នាក់៕
